Category: Technology

 

अॅप च्या मदतीने करा रोग किडींचे निदान

संगणक क्रांती झाल्यानंतर माहिती तंत्रज्ञानाने माणसांचे आयुष्य व्यापून टाकले. बऱ्याचशा गोष्टी मध्ये माहिती तंत्रज्ञान आपण ठळक मथळा वापरत असतो परंतु मानवी संस्कृतीच्या विकासामध्ये महत्त्वाची भूमिका असणारे शेती क्षेत्र यापासून काहीसे दूर होते.  बाजार  भावांची माहिती हवामानाचे अंदाज  काही प्रमाणात लागवड तंत्रज्ञान येथपर्यंत सीमित झाल्यासारखे होते. प्रत्यक्ष शेतावर माहिती तंत्रज्ञानाचा प्रभावी वापर फारसा करता येत नव्हता.  शेतीचे प्रश्न स्थानिक पातळीवर माहिती तंत्रज्ञानाच्या मदतीने सोडविणे अपेक्षित  होते
स्मार्टफोन उपलब्ध झाल्यानंतर माहिती तंत्रज्ञानाचा वापर शेतामध्ये करणे काही प्रमाणात शक्य झाले आहे. आज अनेक प्रकारचे अॅप उपलब्ध आहेत त्यातील एक म्हणजेच   Plantix- Grow smart
हे app  जर्मनीच्या peat कंपनीने तयार केले असून ते अनेक भाषेमधे चालते यामध्ये रोग-किडींचे निदान आपल्या शेतातील पिकांच्या फोटोंच्या मदतीने केले जाते आपल्याला फक्त प्रादुर्भाव ग्रस्त पिकांचा फोटो काढून अपलोड करायचा आहे आपल्या फोटोंचे app कडून विश्लेषण होऊन रोग-किडींचे ओळख सांगितली जाते व त्याचबरोबर उपाय योजनाही सांगितले जाते.  म्हणजेच शेतकऱ्यांचे प्रश्न  त्याच्या शेतावरच सोडविण्यास मदत होते
विशेष म्हणजे  या टॅबचा  भारतामध्ये  प्रचार व प्रसार ICRISAT  या संस्थेमार्फत करण्यात येत आहे.
google play store वरती मोफत उपलब्ध आहेत किंवा खाली दिलेल्या लिंक  वरुन  डाऊनलोड करता येईल.
Plantix- Grow smart येथे डाउनलोड करा 
Sukhdeo Jamdhade
9881907000
 
 

नो मोबाईल डे ….

माहिती तंत्रज्ञानाने जग जवळ आले, अगदी खेडे झाले असे म्हटले जाते. असं म्हणतात कि पानिपताच्या लढाई हरल्यानंतर महाराष्ट्रात माहिती कळायला दीड महिन्याचा कालावधी लागला . परंतु आज काही क्षणातच जगाच्या पाठीवर कुठेही काही घडले तर आपल्या मोबाईलवर माहिती उपलब्ध होते. सॅम्युएल मोर्स च्या तारे पासून झालेली सुरुवात आज *व्हीडीओ कॉलींग पर्यंत पोहचला. भविष्यात काय प्रगती असेल हे कल्पनेच्या पलीकडे आहे .
विज्ञानाच्या प्रगतीचा आवाका इतका प्रचंड आहे कि तो आपल्याला कितपत पेलवेल या विषयी जरा शंकाच आहे. गेल्या पुर्ण सहस्त्रकात झालेली विज्ञानाची प्रगती एकिकडे आणि शेवटच्या शतकाच्या बरोबर आहे, शतकाची प्रगती दशकाच्या आणि दशकात केलेली प्रगती आता आपण एका वर्षात करत आहोत इतका हा वेग प्रचंड आहे.

माकडापासुन आजचा मानव उत्क्रांत व्हायला लाखो वर्षांचा कालावधी जावा लागला, अश्म युगापासुन झालेली सुरुवात मानवाला आज या टप्प्यावर घेऊन आली आहे . विज्ञानाच्या प्रगतीच्या मानाने मानवाच्या उत्क्रांतीचा वेग निश्चितच तोकडा आहे . खरेतर विज्ञानाच्या मदतीने माणसाचे जीवन सुख कारक होणे अपेक्षित होते , ते बहुतांश प्रमाणात झालेही परंतु भौतिक शास्त्राच्या माहिती तंत्रज्ञान या शाखेने मानवावर नियंत्रण मिळवायला , दुष्परिणाम करायला सुरुवात केली . याचे सर्वोत्तम उदाहरण म्हणजे भ्रमणध्वनी.
भ्रमणध्वनी चा स्मार्ट फोन झाला आणि आपल्याला त्याचे व्यसनच लागले. ईतके की बॅटरी संपल्यावर माणसे किती बेचैन होतात हे आपण अवतीभवती पाहतो. अशी माणसं पाहिल्यावर दारूच्या व्यसना पेक्षा हे वाईट हे जाणवते.
स्मार्ट फोन मुळे सोशल मेडिया आपल्याला हातावर उपलब्ध झाला. अप्रुप तर होतेच आता उपलब्ध ही झाल्यामुळे सर्वच हरखून गेले. खरेतर सोशल मेडिया चा उद्देश हलक्याफुलक्या गोष्टी शेअर करणे, विचार मांडणे, काही प्रमाणात मनोरंजन, हा होता. परंतु हा उद्देश मागे पडून याचा वापर आता सर्रासपणे कार्यालयीन कामासाठी ,आपल्या वर नियंत्रण ठेवण्यासाठी केला जातो. चांगल्या गोष्टींचा आपण बट्ट्याबोळ केला.

माहिती तंत्रज्ञानाच्या क्रांतीमुळे माहितीचा वेग वाढला, माहितीचे विश्लेषण ही झटपट होउ लागले. अंतराच्या मर्यादा मिटल्या. बरीचशी धावपळ वाचली. माहितीचा खजिनाच उपलब्ध झाला. परंतु एक गफलत इथेच झाली माहिती ला ज्ञान व तंत्रज्ञानसमजण्याची. हे सर्व होत असताना माणसांच्या शारीरिक व मानसिक मर्यादा या पुर्वी प्रमाणेच आहेत. सहाजिकच कामाचे तास वाढले. यातूनच माणसाची घुसमट सुरू झाली .
संवादाची साधने वाढण्यापुर्वी आपण कामं करतच होतो. उलट कामाच उरक आणि आवाका जास्त होता असं “जुणी जाणती” सांगतात. स्मार्ट साधनामुळे आभासी जगातच माणूस जास्त वावरतो. जागतिक गुंतवणूक गुरु वॉरन बफे मोबाईल वापरत नाहीत तसेच रतन टाटा सर्व CEO वर्षातुन फक्त एकच पत्र पाठवतात.
WHO च्या अहवाला नुसार ४० तास प्रती आठवडा या पेक्षा जास्त काम केले तर माणसाच्या शरीरावर वाईट परीणाम होतात. याच मुळे अनेक देशांमध्ये ५ दिवसांचा आठवडा आहे . त्यामुळे कार्यक्षमता वाढल्याचे दिसुन आले आहे.

स्मार्ट फोन च्या अतिरेकी वापरामुळे चिंता, नैराश्य, निद्रा नाश, ताणतणाव या सारखे मनाशी संबंधीत आजार होतातच परंतु त्यातूनच हृदयविकार, रक्तदाब या सारखे त्रास होतात.
कर्मचाऱ्यावरील ताणतणाव टाळण्यासाठी बहुराष्ट्रीय कंपन्या दर आठवड्याला नो मोबाईल डे राबवतात. आठवड्यात एक दिवस मोबाईल वापरावर बंदी. याचे खुप सकारात्मक परिणाम दिसून आले . कार्यक्षमता वाढली. या कंपन्यांचे आभार मानले पाहिजेत जे आपल्या कामगारांच्या आरोग्याची काळजी घेतात. शेवटी नौकरी सुखा समाधानासाठी केली जाते…
बहुराष्ट्रीय कंपन्यांना जे जमले ते आपल्याला का शक्य नाही . कोणाची वाट पाहण्या ऐवजी सुरुवात करुयात …एक दिवस मोबाईल शिवाय .. नो मोबाईल डे….

Sukhdeo Jamdhade

Facebook

9881907000